“მივესალმები სალომე ზურაბიშვილის განცხადებას, რომ არ მოხდება მე-3 პრეზიდენტის შეწყალება” – თეა წულუკიანი

კულტურის მინისტრი თეა წულუკიანი პოლიტიკურ შეფასებას აკეთებს საქართველოს პრეზიდენტის, სალომე ზურაბიშვილის განცხადებაზე. მთავრობის ვიცე-პრემიერს მიაჩნია, რომ მიხეილ სააკაშვილმა სასჯელი უნდა მოიხადოს, რომელიც დადასტურებულია შესაბამისი სასამართლო გადაწყვეტილებით:

,,მივესალმები ქალბატონი სალომე ზურაბიშვილის გუშინდელ განცხადებას, სადაც მან კვლავ დაადასტურა, რომ არ მოხდება მე-3 პრეზიდენტის შეწყალება. ვინაიდან მას დანაშაულები აქვს ჩადენილი. ეს დადასტურებულია შესაბამისი სასამართლო გადაწყვეტილებებით. როგორც ნებისმიერ სხვა შემთხვევაში, დამნაშავემ უნდა მოიხადოს ის სასჯელი, რომელიც აქვს მისჯილი.

შესაბამისად, მე ვფიქრობ, რომ ზედმეტი შეფასებები და კომენტარები ამ საკითხს აღარ სჭირდება. ყველა უნდა შევეგუოთ იმ ფაქტს, რომ როდესაც ჩაიდენ დანაშაულს, იქ არის უკვე კანონით გათვალისწინებული სასჯელიც“, – განაცხადა თეა წულუკიანმა.

ავტორი
ნინი ხიჯაკაძე