პარლამენტის ფრაქცია ,,ერთიანი ნაციონალური მოძრაობა – ძალა ერთობაშია“ წევრი ზაალ უდუმაშვილი პრეზიდენტ სალომე ზურაბიშვილის მიერ მე-3 პრეზიდენტ მიხეილ სააკაშვილის შეწყალებასთან დაკავშირებით გაცხადებულ კატეგორიულ უარს ეხმაურება:
,,ეს იყო დანაშაულებრივი განცხადება საქართველოს პრეზიდენტის მხრიდან, რომელმაც პრაქტიკულად არაფერი არ თქვა მიხეილ სააკაშილზე გარდა იმისა, რომ ის არ აპირებს მიხეილ სააკაშვილი შეიწყალოს.
თუმცა, სიმართლე რომ გითრათ, სხვა მოლოდინი არც გვქონდა და არც იმას ველოდი, რომ გუშინ უცბად სალომე ზურაბიშვილში რაღაც სახელმწიფოებრივი მიდგომა გაიღვიძებდა.
ჩვენ კარგად ვიცით, რომ პრეზიდენტი, რომელიც თავის დროზე დანიშნა ერთმა კონკრეტულმა პარტიამ დღემდე ის ასრულებს ამ პარტიის დავალებებს და ხარკს უხდის ამისთვის ,,ქართულ ოცნებას“.
ახლა ნამდვილად არ აქვს მნიშვნელობა რას იტყვის სალომე ზურაბიშვილი ან რა განცხადებას გააკეთებს, ახლა მნიშვნელობა აქვს ჩვენს მოქმედებას და ჩვენს ბრძოლას!“, – განაცხადა ზაალ უდუმაშვილმა.
ავტორი
ნინი ხიჯაკაძე
