“მთავარი არხის” გენერალური დირექტორი სუს-ის მიერ გავრცელებული განცხადების კონკრეტულ ნაწილს ეხმაურება, სადაც ტერმინ “რევოლუციის” გამოყენებასთან დაკავშირებითაა საუბარი:
“ბიძინა ივანიშვილის რეჟიმი უნდა დაემხოს!
სუს-ი, ეს სახელმწიფო გადატრიალების მოწოდებაა? ანუ უმაღლეს სახელმწიფო დონეზე ღიად აღიარებულია, რომ ბიძინა ივანიშვილის რეჟიმი გვმართავს?
აბა, გაერკვიეთ. რამე სინონიმების და ალუზიების სამართლებრივი განმარტება მოამზადეთ.
მანამდე, ბიძინა ივანიშვილის რეჟიმი უნდა დაემხოს!” – წერს ფეისბუქის პირად გვერდზე ნიკა გვარამია.
ინფორმაციისთვის – სუს-ის მიერ გაკეთებულ განცხადებაში ნათქვამია:
“ბოლო დროს სოციალურ ქსელებსა და მასობრივი ინფორმაციის საშუალებებში სხვადასხვა პირის მიერ ვრცელდება დანაშაულის ნიშნების შემცველი შინაარსის საჯარო განცხადებები და მოქალაქეები განზრახ თუ გაუცნობიერებლად პირდაპირ მოუწოდებენ თანამოაზრეებს რევოლუციისა და ხელისუფლების დამხობისკენ, მათ შორის ძალადობრივი გზებით“.
