პოლიტიკური პლატფორმა “სტრატეგია აღმაშენებელი” იუსტიციის უმაღლესი საბჭოს წევრების საკითხთან დაკავშირებით განცხადებას ავრცელებს. როგორც განცხადებაშია ნათქვამი, ხელისუფლებამ კიდევ ერთხელ დაარღვია სასამართლოს რეფორმებთან დაკავშირებით აღებული ვალდებულებები, რომელიც ევროკავშირი-საქართველოს ასოცირების შესახებ შეთანხმების შესაბამისად უნდა განახორციელოს:
“ “ქართული ოცნება” ახლა უკვე დაუფარავად ცდილობს საბოლოოდ, პოლიტიკურად გაიფორმოს სასამართლო ხელისუფლება და იმ ფორმალური პროცედურების დარღვევასაც კი აღარ ერიდება, რომელიც იუსტიციის უმაღლესი საბჭოს წევრების გამჭვირვალედ განხილვასა და შერჩევას გულისხმობს.
ხელისუფლებამ კიდევ ერთხელ დაარღვია სასამართლოს რეფორმებთან დაკავშირებით აღებული ვალდებულებები, რომელიც ევროკავშირი-საქართველოს ასოცირების შესახებ შეთანხმების შესაბამისად უნდა განახორციელოს.
“ქართული ოცნება” სერიოზულ დაბრკოლებად იქცა საქართველოს ევროინტეგრაციის გზაზე და ის რაც შეიძლება მალე უნდა ჩამოშორდეს ხელისუფლებას”, – ნათქვამია განცხადებაში.
ინფორმაციისთვის: 31 ოქტომბერს საქართველოს მოსამართლეთა XXX კონფერენციამ იუსტიციის უმაღლესი საბჭოს ორი ახალი წევრი აირჩია.
ინფორმაციას პოლიტიკური პლატფორმა “გიორგი ვაშაძე – სტრატეგია აღმაშენებლის”
მედიასთან და საზოგადოებასთან ურთიერთობის სამსახური ავრცელებს
