ველური ბუნების სააგენტოს კიდევ ერთი საინტერესო მასალა საქართველოს ფაუნის შესახებ – გაიცანით კრწანისის ტყეპარკის მობინადრე ფრინველი მოლურჯო წივწივა (წიწკანა) – Eurasian blue tit (Parus caeruleus)
სხეულის სიგრძე: 10-12 სმ. შეფერილობით დიდ წივწივას ჰგავს − სხეულის ქვედა ნაწილი ყვითელი, ზედა მოლურჯომომწვანო აქვს. თუმცა, დიდ წივწივასთან შედარებით, მცირე ზომისაა და აქვს მოთეთრო თავი, რომლის ზედა ნაწილი ცისფერია, თვალზე გამავალი ვიწრო ზოლი შავია. ახალგაზრდა ფრინველი შედარებით ბაცია და მოყვითალო ლოყები აქვს.
ბუდეს იკეთებს ხის ფუღუროში. წელიწადში მრავლდება ორჯერ: პირველად − აპრილის დასაწყისში, მეორედ − მაისის ბოლოს. დებს 9-13 კვერცხს.
მისი ჰაბიტატია სხვადასხვა ტიპის ტყეები.
IUCN-ის სტატუსი: LC
