“ჩემი სურვილი იქნებოდა ახლა, როდესაც ოპოზიცია არის გამარჯვებული, მიხეილ სააკაშვილმა შეწყვიტოს შიმშილობა!” – ნიკა მელია

თბილისის მერობის კანდიდატმა, ,,ერთიანი ნაციონალური მოძრაობის“ თავმჯდომარე ნიკა მელიამ, საარჩევნო უბნების დახურვისა და ეგზიტპოლის შედეგების გამოცხადების შემდეგგაკეთებულ კომენტარში მე-3 პრეზიდენტის მიხეილ სააკაშვილის თავდადების შესახებ ისაუბრა და მიმართავს, რომ საბოლოო შედეგის გამოცხადების შემდეგ, ოპოზიციის მიერ გამარჯვების გაფორმებით, შეწყვიტოს შიმშლობა, რადგან ცოცხალი და ჯანმრთელი არის საჭირო:

,,რა თქმა უნდა, უკვალოდ არ ჩაიარა მიხეილ სააკაშვილის, როგორც პოლიტიკოსის, თავდადებული ქართველის თავდადებამ! დარწმუნებული ვარ, ახლა გვიყურებს და მინდა აქედან მივესალმო მას დიდი პატივისცემით და ვუსურვო ჯანმრთელობა.

ხვალ, როდესაც შემაჯამებელი ოქმები შედგება და გამოცხადდება ოპოზიციური კანდიდატები გამარჯვებულად – მე მასთან ციხეში შესვლის შესაძლებლობა არ მაქვს, მაგრამ ჩემი სურვილი იქნებოდა ახლა, როდესაც ოპოზიცია არის გამარჯვებული, მან შეწყვიტოს შიმშილობა! იმიტომ, რომ იგი ჩვენ გვჭირდება ჯანმრთელი, ცოცხალი ადამიანი – არ უნდა გავახაროთ ბიძინა ივანიშვილი“, – განაცხადა ნიკა მელიამ.

ავტორი
ნინი ხიჯაკაძე