“ხელისუფლება არის პასუხისმგებელი, რომ მიხეილ სააკაშვილის ჯანმრთელობის უსაფრთხოება იყოს დაცული” – პაატა მანჯგალაძე

,,სტრატეგია აღმაშენებლის“ გენერალურმა მდივანმა პაატა მანჯგალაძემ კომენტარი გააკეთა მიხეილ სააკაშვილის ჯანმრთელობის მდგომარეობის თაობაზე და განაცხადა, რომ მმართველი ხელისუფლება არის პასუხისმგებელი ქვეყანაში მიმდინარე კარგსა თუ ცუდ მოვლენებზე, შესაბამისად მიხეილ სააკაშვილის ჯანმრთელობის მდგომარეობაზეც:

,,როდესაც ადამიანი შიმშილობს 24 დღეზე მეტი, მისი ჯანმრთელობის მდგომარეობა უარესდება. ბუნებრივია რომ გაუარესდება მდგომარეობა და მძიმე შედეგი რომ დადგეს, ვგულისხმობ, ვთქვათ, ან გონება დაკარგოს, ან კომაში ჩავარდეს და ა.შ., მე ექიმი არ ვარ და არ ვიცი, წარმოდგენაც კი არ აქვთ რამხელა რეაქცია და რეზონანსი შეიძლება ჰქონდეს ამას საზოგადოებაში.

ხელისუფლება არის, რა თქმა უნდა, პასუხისმგებელი ყველაფერში, ყველაფერზე, ქვეყანაში კარგზეც და ცუდზეც. იმაზეც, რომ მიხეილ სააკაშვილის ჯანმრთელობის უსაფრთხოება იყოს დაცული“, – განაცხადა პაატა მანჯგალაძემ.

ავტორი
ნინი ხიჯაკაძე