,,მთავარი არხის“ გენერალურმა დირექტორმა ნიკა გვარამიამ კომენტარი გააკეთა მიხეილ სააკაშვილის ჰოსპიტალიზაციის საკითხზე. მისი განცხადებათ, ციხის მე-18 დაწესებულება ვერ პასუხობს სათანადოდ იმ მოთხოვნებს, რომელიც ჩაწერილია კონსილიუმის დასკვნა. ამიტომ მოითხოვს, რომ მე-3 პრეზიდენტის გადაყვანა უნდა მოხდეს სამოქალაქო საავადმყოფოში:
,,ციხის მე-18 სამედიცინო დაწესებულება არ წარმოადგენს კონსილიუმის დასკვნითვე განსაზღვრულ c კატეგორიის შერეულ მულტიფუნქციურ კლინიკას. აქ არ არის არა მხოლოდ ტექნიკური აღჭურვილობა, არამედ სათანადო აღჭურვილობა ამ ტიპის კლინიკისთვის. მაგ. ჩვენ ველოდებით ახსნა-განმარტებას, თუმცა ვიცით, რომ არ არის ციხის კლინიკაში MRI ე.წ. მაგნიტორეზონანსული ტომოგრაფი, კომპიუტერული ტომოგრაფი და ასევე, დოპლერი, რაც პირდაპირ არის ჩაწერილი კონსილიუმის დასკვნაში.
ამას გარდა, არსებობს ყველაზე მაღალი რისკი, რაც ახლა ემუქრება სააკაშვილს. ეს არის გულის გაჩერების რისკი. შესაბამისად, ამ კლინიკაში, ციხის საავადმყოფოში ე.წ.-ში უნდა იყოს კარდიოლოგიური სერვისის მე-2 დონე. აღნიშნული ამ კლინიკაში არის შეუძლებელი. ეს შეიძლება გააკეთოს მოწვეულმა სპეციალისტმა, მაგრამ მოწვეული სპეციალისტის მეშვეობით ვერ იქნება დამაგრებული შედეგი. იმიტომ, რომ ის იქ უნდა იმყოფებოდეს 24 საათის განმავლობაში.
ჩვენ მოვითხოვთ, რომ მიმდინარე საათებში გადაწყდეს დაუყოვნებლივი ჰოსპიტალიზაციის საკითხი და ღია განცხადებით გამოირიცხოს ციხის საავადმყოფო“, – განაცხადა ნიკა გვარამიამ.
ავტორი
ნინი ხიჯაკაძე
