“ზოგადი განცხადებები, რომ მიხეილ სააკაშვილი არის გმირი და მისი დაკავება იმიტომ, რომ იყო საქართველოს პრეზიდენტი – შეუძლებელია, წარმოუდგენელია” – ირაკლი ქადაგიშვილი

პარლამენტის საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა კომენტარი გააკეთა ევროპარლამენტარების წერილსა და განცხადებებზე, სადაც საუბარია, სასამართლო რეფორმის საკითხზე და მიხეილ სააკაშვილის პოლიტიკური მიზნებით დაპატიმრების თაობაზე. როგორც საპარლამენტო უმრავლესობის წარმომადგენელი აღნიშნავს, მართლმსაჯულების სისტემის უკანონობაზე საუბარი ოპოზიციის მხრიდან სწორედ პროპაგანდისტული ნარატივის ნაწილია:

,,550 პარლამენტარი არის ევროპაში, დამატებული კიდევ ქართველი პარლამენტარები, არასამთავრობოები, ზოგი საქართველოდან, ზოგი ექსპერტ საქართველოდან. ასე, რომ სხვადასხვა პოლიტიკური მიზნებით რაღაცა განცხადების გამკეთებელთა, ასე ვთქვათ, მსურველთა დეფიციტი, რა თქმა უნდა, არასდროს არ არის. ყველას აქვს თავისი პოლიტიკური დღის წესრიგი.

ზოგადი განცხადებები, რომ მიხეილ სააკაშვილი არის გმირი, მისი დაკავება იმიტომ, რომ იყო საქართველოს პრეზიდენტი – შეუძლებელია, წარმოუდგენელია, მასზე მსჯავრის განხორციელება არ შეიძლება და ზოგადად იმ პროპაგანდისტული ნარატივის გავრცელება, რაც ოპოზიციამ თავიდანვე დაიწყო, რომ საქართველოში სასამართლოს სისტემა არის უკანონო, ეს ყველაფერი არის პოლიტიკური და იდეოლოგიური შეტევა“, – განაცხადა ირაკლი ქადაგიშვილმა.

ავტორი
ნინი ხიჯაკაძე