“ფარისევლურია ეს განცხადება” – გიორგი ვოლსკი ევროპარლამენტარების წერილზე

პარლამენტის თავმჯდომარის პირველმა მოადგილემ გიორგი ვოლსკიმ ევროპარლამენტარების განცხადებას ფარისევლური უწოდა. როგორც მმართველი პარტიის ერთ-ერთი ლიდერი აცხადებს, აღნიშნულ განცხადებაზე ხელმომწერები უპირისპირდებიან იმ ოჯახებს, რომელთა კისერზეც გადაიარა მიხეილ სააკაშვილის ხელისუფლების დანაშაულებმა:

,,ფარისევლურია ეს განცხადება, ვინაიდან არა მარტო იმ დანაშაულებებშია მხილებული სააკაშვილი საზოგადოების მიერ. საზოგადოების დიდი ნაწილი ზუსტად არის ინფორმირებული იმ მკვლელობების თაობაზე, რომელიც მისმა კასტამ ჩაიდინა.

უამრავი ნაწამები ადამიანი და არა მარტო ნაწამები ადამიანი, ღირსება შენახული ადამიან დაკავშირებულია იმ მმართველობასთან, რომელიც სააკაშვილმა შექმნა.

ეს, ამ განცხადებაზე ხელმომწერები – ყველანი, თითოეული მათგანი უპირისპირდება იმ ოჯახს, რომლის კისერზეც, რომლის ისტორიაზე, რომლის ყოველდღიურობაზეც გადაიარა იმ რეჟიმმა, რასაც სააკაშვილი ხელმძვანელობდა“, – განაცხადა გიორგი ვოლსკიმ.

ინფორმაციისთვის: გამოქვეყნდა მიხეილ სააკაშვილის მხარდამჭერი წერილი, რომელსაც 70-ზე მეტი ხელმომწერი ჰყავს, რომელთა შორის არიან ევროპარლამენტარები, სხვადასხვა ქვეყნის ყოფილი და მოქმედი მაღალი რანგის თანამდებობის პირები, პოლიტიკოსები.

ავტორი
ნინი ხიჯაკაძე