“ერთიანი ნაციონალური მოძრაობის” აღმასრულებელი მდივანი, პარლამენტის წევრი კობა ნაყოფია საპატიმროში მიხეილ სააკაშვილთან შეხვედრის შემდეგ კომენტარს აკეთებს და აცხადებს, რომ მთავარია მე-3 პრეზიდენტის თავისუფლების საკითხი. ამასთან, მოსახლეობას მოუწოდებს, რომ 30 ოქტომბერს მაქსიმალურად მიიღონ მონაწილეობა არჩევნებში:
,,მთავარი არის მიხეილ სააკაშვილის თავისუფლების საკითხი. მე იმედი მაქვს, რომ ეს ძალიან მალე მოხდება. განვიხილეთ, რა თქმა უნდა, მიმდინარე საკითხები, წინასაარჩევნო გარემო და ზოგადად საარჩევნო მზადება.
პერმანენტული პროტესტი ყოველდღიურ რეჟიმში, რა თქმა უნდა, იქნება მანამ, სანამ მიხეილ სააკაშვილი არ იქნება თავისუფალი.
30 ოქტომბრის არჩევნების მნიშვნელობაზე ბევრს არ ვილაპარაკებ, ისედაც ყველამ კარგად იცის. გეტყვით რომ, მართლა, ახლა არის საჭირო თითოეული ადამიანის მხრიდან, თითოეული ემიგრანტი იქნება ეს, თუ აქ მყოფი საქართველოს მოქალაქის მხრიდან, რომ 30 ოქტომბერს მივიდეს არჩევნებზე და დააფიქსიროს თავისი პოზოცია“, – განაცხადა კობა ნაყოფიამ.
ავტორი
ნინი ხიჯაკაძე
