“შესაძლებელია უფრო რთული მდგომარეობა ყოფილიყო ჯანმრთელობის თვალსაზრისით, რომ არა მისი მორალური და ფსიქოლოგიური სიმტკიცე” – დიმიტრი საძაგლიშვილი მიხეილ სააკაშვილის მდგომარეობაზე

მიხეილ სააკაშვილთან შეხვედრაზე იმყოფებოდა მისი ადვოკატი დიმიტრი საძაგლიშვილი. მე-3 პრეზიდენტის მონახულების შემდეგ ჟურნალისტებთან გაკეთებული კომენტარის დროს ადვოკატი აღნიშნავს, რომ ჯანმრთელობის მხრივ უფრო და უფრო სუსტდება. თუმცა არის მხნედ, რაზეც დიდ ზეგავლენას ახდენს მისი მორალური და ფსიქოლოგიური მზაობა:

,,მე-18 დღეა, რაც მიხეილ სააკაშვილი შიმშილობს. ბუნებრივია, საერთო სისუსტე შენარჩუნებულია და ეს გარდაუვალია, რომ დღითიდღე ეს საერთო სისუსტე მოიმატებს.

გარდა ამისა, მას ჰქონდა წნევის ცვალებადობა ბოლო დღეების განმავლობაში. თუმცა, საერთო ჯამში მისი ფსიქოლოგიური და მორალური სიძლიერიდან გამომდინარე ის თავს გრძნობს მხნედ, ის შეხვედრების ოთახში გადაადგილებას საკუთარი ინიციატივით და აპირებს, რომ ასე გააგძელოს, სანამ მას ფიზიკური შესაძლებლობა ექნება.

საერთო ჯამში, როგორც შესაბამისი სპეციალისტებისგან მოვისმინეთ, მათაც უკვირთ მისი ჯანმრთელობის მდგომარეობის, ვინაიდან მე-18 დღეს შესაძლებელია უფრო რთული მდგომარეობა ყოფილიყო ჯანმრთელობის თვალსაზრისით, რომ არა მისი მორალური და ფსიქოლოგიური სიმტკიცე.

კონსილიუმთან დაკავშირებით მიხეილ სააკაშვილს აქვს ერთი პოზიცია დასაწყისიდანვე და ეს პოზიცია არ შეცვლა! არ აქვს რაღაც განსაკუთრებული მოლოდინები და დიდად არ აინტერესებს ეს საკითხი!“, – განაცხადა დიმიტრი საძაგლიშვილმა.

ავტორი
ნინი ხიჯაკაძე