“ქართულ ოცნებას” მეორე ტურში ჩვენ უნდა წავართვათ ადგილობრივი თვითმმართველობა დიდ ქალაქებში და შემდეგ უკვე ვადამდელ არჩევნებამდე მივიდეთ – ხატია დეკანოიძე

,,ერთიანი ნაციონალური მოძრაობის“ ქუთაისის მერობის კანდიდატი კომენტარს აკეთებს პარტიის მთავარ სამოქმედო გეგმაზე, რაც გულისხმობს პერმანენტული აქციების გაგრძელებას, მზადებას მეორე ტურისთვის, რითიც ცდილობენ ვადამდელი არჩევნებისთვის წინა პირობის შემზადებას და პარალელურ რეჟიმში მე-3 პრეზიდენტის, მიხეილ სააკაშილის პატიმრობიდან გათავისუფლებას:

,,სხვადასხვა აქციები გაგრძელდება – ეს იქნება საპყრობილესთან, ქალაქებში, თბილისში და რა თქმა უნდა, ძალიან დიდ მნიშვნელობას ანიჭებს მათ შორის, მიხეილ სააკაშვილი მეორე ტურებს, რომელიც არის 30 ოქტომბერს.

,,ქართულ ოცნებას’’ მეორე ტურში ჩვენ უნდა წავართვათ ადგილობრივი თვითმმართველობა დიდ ქალაქებში და შემდეგ უკვე ვადამდელ არჩევნებამდე მივიდეთ. ამიტომ ჩვენი გეგმა ითვალისწინებს მრავალმხრივად ერთი საფრთხის მიმართ მოქმედებას. მათ შორის, მიხეილ სააკაშვილის გასათავისუფლებლად’’, – განაცხადა ხატია დეკანოიძემ.

ავტორი
ნინი ხიჯაკაძე