ფოთის მერობის კანდიდატმა გიგი უგულავამ მიხეილ სააკაშვილის მხარდამჭერ საპროტესტო აქციაზე, თავისუფლების მოედანზე ემოციური სიტყვით წარდგა აქტივისტების წინაშე. მან გაახსენა საზოგადოებას 18 წლის წინანდელი ბრძოლა თავისუფლებისთვის – ვარდების რევოლუცია და ასევე იასაუბრა მიხეილ სააკაშვილთან დაკაშირებით:
,,მეგობრებო, რუსთავისკენ ქარი ქრის! – ამიტომ თქვენი ხმაური და ხმა გავაგონოთ მთელ საქართველოს, თბილისს, რუსთავს, თელავს, ყველას, ვისაც კი უნდა ამ ქვეყანაში თავისუფლება!
მეგობრებო, სანამ ჩვენ თვითონ არ დავიჯერებთ გამარჯვებას, მანამდე გამარჯვება ყოველთვის გვერდზე ჩაივლის.
მეგობრებო, სანამ ჩვენ თვითონ არ დავინახეთ მანამდე არ გვწამდა; მიშამ ყველა ბარიერი გადალახა და მოვიდა აქ. ბევრს არ გვეგონა, ბევრი ვფიქრობდით, რომ ეს არ შედგებოდა, ეს ტყუილია, ბევრი ვამბობდით, რომ ეს ბლეფია, ზოგი ბუენოს-აირესიდან, ზოგი ტრუსავეცკიდან გვესალმებოდა, მაგრამ მეგობრებო, დადგა მომენტი და დრო და მან თავისი საქმე გააკეთა!
მე ვარ ამაყი, როგორც არასდროს! – იმიტომ, რომ მეც ჩემი შერყეული რწმენა გამიმთელდა ადამიანის და მეგობრის მიმართ. დღეს ის არის აქ! ის არის ყველაზე თავისუფალი, თამამი, მან მოგვცა მაგალითი ბრძოლის! ჩვენ აღარ გვაქვს უკან დახევის უფლება!
18 წლის წინ, როდესაც თქვენ აქ მოხვედით, მაშინ ყველა ვიყავით ახალგაზრდა, ზოგი მაშინ ვიწყებდით პოლიტიკას, საერთოდ საზოგადოებრივ ასპარეზზე გამოსვლას და მაშინ ეს ადამიანი იდგა ჩვენს გვერდზე!
18 წელი გავიდა და ჩვენს მონაპოვარს – ,,ვარდების რევოლუციას“, თაობას, რომელიც თქვენ ხართ, თავისუფლების თაობას დღეს ისტორიას გართმევენ!
ვუსურვოთ მიშას თავისუფლება! დღეს ის თავისუფალია ჩვენზე მეტად! ოდესღაც მან – 18 წლის წინ დალია ჩაი, რომელმაც შეცვალა ამ ქვეყნის ისტორია. დღეს მას არ აცადეს ხინკლის ჭამა. ის აუცილებლად შეჭამს თავის კუთვნილ ხინკალს და თქვენ დაგრჩებათ კუჭები! იმიტომ, რომ მეტს არაფერს იმსახურებთ!“, – განაცხადა გიგი უგულავამ.
ავტორი
ნინი ხიჯაკაძე
