ჩვეულებრივი ღაჟო (წითელზურგა ღაჟო) – red-backed shrike (Lanius collurio)

16

ველური ბუნების ეროვნული სააგენტოს მორიგი საინტერესო ინფორმაცია საქართველოს ფაუნის შესახებ – გაიცანით კრწანისის ტყეპარკის მობინადრე ფრინველი ჩვეულებრივი ღაჟო (წითელზურგა ღაჟო) – red-backed shrike (Lanius collurio)

სხეულის სიგრძე: 16-18სმ. დამახასიათებელია ძლიერი, ბოლოში მოკაუჭებული ნისკარტი. მამალს აქვს წაბლისფერი ზურგი, მოვარდისფრო-თეთრი მკერდი და მუცელი, თვალზე გამავალი შავი ზოლი, ნაცრისფერი თავი და კუდის მფარავები, თეთრი ყელი და შავი კუდი. დედალი, ისევე როგორც ახალგაზრდა ფრინველი, ზემოდან მოწითალო-მოყავისფრო შეფერილობისაა; მოთეთრო-მორუხო სხეულის ქვედა ნაწილზე კი, ნახევარმთვარის ფორმის ყავისფერი ლაქები აქვს.

ბუდეს იკეთებს ბუჩქზე. მაისის პირველ ნახევარში დებს 4-6 კვერცხს. საინკუბაციო პერიოდი 14 დღემდე გრძელდება.

მისი ჰაბიტატია ბუჩქნარიანი მინდვრები, ტყისპირები, ბაღები და პარკები.

IUCN-ის სტატუსი:LC

კომენტარები პუბლიკაციაზე