საქართველოს მე-3 პრეზიდენტის საპატიმროში მონახულების შემდეგ, ადვოკატმა დიმიტრი საძაგლიშვილმა ჟურნალისტებთან კომენტაში აღნიშნა, რომ მიხეილ სააკაშვილი, მიუხედავად შიმშლობისა, არის საკმაოდ მხნედ და ასევე აღნიშნა, რომ რუსთავის ციხესთან გამართული აქციის შემდეგ, ყოფილ პრეზიდენტს ტელევიზორი შეუტანეს და ახლა მას შესაძლებელობა აქვს თვალყური ადევნოს მიმდინარე მოვლენებს:
,,ის არის მხნედ მიუხედავად იმისა, რომ 8 დღეა უკვე შიმშილობს. ბუნებრივია, შიმშლობა გარკვეული პერიოდის განმავლობაში ზეგავლენას მოახდენს მის ჯანმრთელობაზე, მაგრამ ამ მომენტისთვის ის არის ძალიან მხნედ. მას მიაჩნია, რომ არის ვლადიმერ პუტინის პირადი ტუსაღი.
ხაზი გვინდა გავუსვათ იმ გარემოებას, რომ მიხეილ სააკაშვილს გუშინ საღამოს შეუტანეს ტელევიზორი, მას შემდეგ, რაც აქ გაიმართა აქცია და ჩაურთეს საინფორმაციო საშუალება. იგი თავად გაეცნო უკვე იმას, თუ როგორ უცხადებენ სოლიდარობას ადამიანები და დაგვაბარა ძალიან დიდ მადლობა, ყველა იმ ადამიანის მიმართ, რომელიც სოლიდარობას უცხადებს მას, გულშემატკივრობს.
მიხეილ სააკაშვილს მიაჩნია, რომ ახლა არის გადამწყვეტი მომენტი ბრძოლისთვის.
ექიმებთან დაკავშირებით არ გვისაუბრია, ამასთან დაკავშირებით ჩვენ ჩაბარებული გვაქვს განცხადება და შესაბამისად ველოდებით პასუხს სასჯელაღსრულების დეპარტამენტიდან. ეს არ არის სტანდარტული განცხადება. ადამიანი შიმშილობს და მოვითხოვეთ მისი პირადი ექიმის შეშვება. 5 დღეში კი არა 5 საათში უნდა ყოფილიყო პასუხი, მე თუ მკითხავთ“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
