გარემოს ეროვნული სააგენტოს ინფორმაციით, 13 ოქტომბრამდე, დასავლეთ საქართველოში თბილი და უნალექო ამინდია მოსალოდნელი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა დაბლობ რაიონებში დღის საათებში +20, +25 გრადუსის ფარგლებში იქნება.
აღმოსავლეთ საქართველოში 10 ოქტომბრამდე შენარჩუნებული იქნება ღრუბლიანი და შედარებით ცივი ამინდი. ცალკეულ რაიონში შესაძლოა მცირე ნალექი აღინიშნოს. 10 ოქტომბრიდან გამოიდარებს. ჰაერის ტემპერატურა +16, +21 გრადუსამდე მოიმატებს.
ქ. თბილისში 8-9 ოქტომბერს შესაძლებელია მცირე წვიმა და ნისლი. ჰაერის ტემპერატურა დღისით 12, +14 გრადუსი დაფიქსირდება, ხოლო 10 ოქტომბრიდან გამოიდარებს და +17, +19 გრადუსამდე დათბება.
