პარლამენტის საფინანსო-საბიუჯეტო კომიტეტის თავმჯდომარის მოადგილემ ირაკლი ზარქუამ კომენტარი გააკეთა მიხეილ სააკაშვილის პატიმრობასთან დაკავშირებულ დეტალებზე. მისი თქმით, განსაკუთრებული პირობები ექსპრეზიდენტისთვის ციხეში ვერ და არ შეიქმნება, ხოლო მილიონი ადამიანიც რომ გამოვიდეს საპროტესტო აქციაზე მმართველი ხელისუფლებისთვის მნიშვნელობა არ აქვს, რადგან მიიჩნევენ, რომ მე-3 პრეზიდენტი დაკავებულია არგუმენტირებულად:
,,სააკაშვილი დაკავებულია კონკრეტული საქმეების გამო და ზის ციხეში.
ახლა რაც შეეხება შიმშილობას, კიდევ ერთხელ ვამბობ, ეს მისი უფლებაა – უნდა იშიმშილოს, პროტესტის სხვა ფორმებით გამოხატოს, უბრალოდ არგუმენტირებული უნდა იყოს.
რაც შეეხება კომფორტს, ბოდიში ახლა, პირიქით, მე მგონი განსხვავებას ნახავდა – რა ციხე დატოვა მან 2012 წელს და როგორ საპყრობილეში ზის ახლა!
რაც შეეხება ტელევიზორს, ინტერნეტს და ა.შ. – რომ იცოდეთ, ტელევიზორი პროტოკოლით არ არის გათვალისწინებული, თუა ნათესავებმა მიუტანონ – ესე ხდება!
ხოლო მობილური შეზღუდულია და იმ გრაფიკით მიეწოდა, როგორც დანარჩენ პატიმრებს. არაფერი განსაკუთრებული, მისთვის სასათბურე პირობები ვერ იქნება და არ იქნება!
რაც შეეხება საპროტესტი აქციას, არ აქვს მნიშვნელობა! სულ რომ გავიდეს მთელი მილიონი ადამიანი, მას დანაშაული აქვს ჩადენილი, დაჭერილია შესაბამისად არგუმენტირებულად“, – განაცხადა ირაკლი ზარქუამ.
ავტორი
ნინი ხიჯაკაძე
