“მესამე ძალა – სტრატეგია აღმაშენებელი“ მეორე ტურში მხარს დაუჭერს ოპოზიციურ კანდიდატებს” – სერგო ჩიხლაძე

,,სტრატეგია აღმაშენებლის“ პოლიტიკური საბჭოს წევრმა სერგო ჩიხლაძემ კიდევ ერთხელი ხაზი გაუსვა ოპოზიციის მთავარ გზავნილს, რომ ამომრჩეველმა ხმა არ მისცეს “ქართულ ოცნებას”. მისი თქმით, 2 ოქტომბის არჩევნებმა აჩვენა, რომ მმართველ ხელისუფლებას მოსახლეობის მხარდაჭერა არ აქვს:

,,მნიშვნელოვანი, რაც არჩევნებმა აჩვენა არის ის, რომ ,,ქართულ ოცნებას“ მხარდაჭერა არ აქვს არც ერთ დიდ ქალაქში, არც ერთ ურბანულ დასახლებაში.

ცვლილებების დრო დადგა საქართველოში! მოსახლეობამ ამის მკაფიო გზავნილი გაუგზავნა ჩვენ პოლიტიკურ ძალებს და პირველ რიგში, ხელისუფლებას.

,,მესამე ძალა – სტრატეგია აღმაშენებელი“ მხარს დაუჭერს ოპოზიციურ კანდიდატებს მეორე ტურში.

მთავარი გზავნილი არის, არც ერთი ხმა 41-ს!“, – განაცხადა სერგო ჩიხლაძემ