საქართველოში ჩატარებულ არჩევნებს და მედიაში გაკეთებულ კონკრეტულ შეფასებებთან დაკავშირებით ირონიულ შეფასებებს აკეთებს საზოგადოებრივი არხის სამეთვალყურეო საბჭოს წევრი, ჟურნალისტი ბონდო მძინარაშვილი:
“ნაშუადღევს ერთ-ერთ არხზე მოვისმინე: “არჩევნები ტოტალური ტერორის პირობებში ტარდება!”
და შევშფოთდი!
შევშფოთდი, მიუხედავად წამყვანის უშფოთველობისა!
კენჭისყრის დასრულებიდან მალევე საერთაშორისო სადამკვირვებლო მისიების წარმომადგენლები დასხდნენ და საჯაროდ მოგვახსენეს:
- “არჩევნების მიმდინარეობისას შევნიშნეთ მცირე, უმნიშვნელო შეცდომები და ამას არანაირი გავლენა არ ექნება არჩევნების შედეგებზე” (რეინის ტოჩელოვსკი);
- “საარჩევნო უბნებზე, რომელიც მოვინახულეთ, ფაქტობრივად ყველაფერი იყო გამჭვირვალე, საარჩევნო პროცესი კარგად იყო ორგანიზებული” (ივარს ბანდონისი).
- “საარჩევნო პროცესის მომზადება და ამ პროცესის აღსრულების ეტაპი გახლდათ ძალიან მაღალ დონეზე შესრულებული (ოლენა იურკინა).
და დავმშვიდდი!
დავმშვიდდი, მიუხედავად ნაცსექტანტების ისტერიკისა! იმ არხზე აღარ გადავრთე და არ ვიცი, რას ამბობს ის წამყვანი, – ისევ “ტოტალური ტერორის პირობებშია” თუ დაგუგლა, რას ნიშნავს “ტოტალური ტერორი”!
დაგუგლა და… შეშფოთდა!” – წერს ფეისბუქის პირად გვერდზე ბონდო მძინარაშვილი.
