პარტია ,,ერთიანი საქართველო – დემოკრატიული მოძრაობის“ თავმჯდომარე ნინო ბურჯანაძეს არ უკვირს, რომ მიხეილ სააკაშვილი საქართველოშია, რადგან მისი აზრით ქვეყნის დიდი ნაწილი არ არის დაცული. ოპოზიციონერი ლიდერი მოსახლეობას მიმართავს, რომ ამ არჩევნებზე არ წყდება რომელი პოლიტიკური ძალა მოვა ხელისუფლება, ამიტომ მნიშვნელოვანია, მხარი დაუჭირონ ოპოზიციურ პარტიებს:
,,ნამდვილად არ გამიკვირდება და ვფიქრობ, ასეც არის, რომ ალბათ სააკაშვილი საქართველოშია. იმიტომ, რომ საქართველოში დაცული არის რამდენიმე ობიექტი – ეს არის აბასთუმანი, ურეკი, შუშის სასახლე და დანარჩენი საქართველო არის ჩამონგრეული, საზღვრები არის მოშლილი, ქვეყნის შიდა და გარე პოლიტიკა არის კატასტროფულ მდგომარეობაში.
მეგობრებო, მინდა ყველას მივმართო: ვისაც მოგწონთ/არ მოგწონთ სააკაშვილი, მოგწონთ ნებისმიერი სხვა ოპოზიციონერი ან არა – ახლა არ არის არჩევნები, რომელიც განსაზღვრავს რომელი ძალა მოვა ხელისუფლებაში!
ხვალ არის რეფერენდუმი. ყველას მოგიწოდებთ, მობრძანდით რეფერენდუმზე და შემოხაზეთ ნებისმიერი პოლიტიკური პარტია 41-ის გარდა“, – განაცხადა ნინო ბურჯანაძემ.
ავტორი
ნინი ხიჯაკაძე
