გია ხუხაშვილი ოპოზიციას, სამოქალაქო საზოგადოებას და მედიას საყვედურობს. პოლიტოლოგს მიაჩნია, რომ მათ ვერ გამოიყენეს კონკრეტული შესაძლებლობები ქვეყანაში პროტესტის ტალღის ასაგორებლად:
“რა ფატალურ შეცდომას უშვებს ოპოზიცია, სამოქალაქო საზოგადოება და თუ გნებავთ კრიტიკული მედია?
სისტემურ დანაშაულს სჭირდება სისტემური პროტესტი შედეგის მიღებამდე. ამ შემთხვევაში ტოტალური მოსმენების მთავარ და შეიძლება ითქვას ერთადერთ თემად შენარჩუნება არჩევნების დღემდე.
ნაცვლად ამისა, ხელისუფლებამ მოახერხა სხვადასხვა მეთოდებით ამ უდიდესი პრობლემის გაზავება ისე, რომ ლამის აქტუალობა დააკარგვინა.
საქმე იქამდეც კი მივიდა, რომ სუს-ის ხელმძღვანელი დღეს ამბობს – მე რატომ უნდა დამიბარონ, რა შუაში ვარო და ყველა ატარებს ამას, როგორც ჩვეულებრივ ამბავს.
კარგი პოლიტიკოსი უმნიშვნელო ამბისგან ქმნის მთავარ თემას.
საშუალო პოლიტიკოსი მნიშვნელოვანი ამბისგან ქმნის ისტორიას.
ცუდი პოლიტიკოსი უმნიშვნელოვანესი ამბისგანაც ვერაფერს ქმნის.
დასკვნა თქვენთვის მომინდვია…“, – წერს ფეისბუქის პირად გვერდზე გია ხუხაშვილი.