“ივანიშვილის რეჟიმი უტიფარ და ბრიყვულ განცხადებებს იმიტომ აკეთებენ, რომ ეშინიათ შედეგის” – გიგა ბოკერია

,,ევროპული საქართველოს“ თავმჯდომარემ გიგა ბოკერიამ ჟურნალისტებთან კომენატარში თვითმმართველობის არჩევნებთან დაკავშირებით აღნიშნავს, რომ მმართველი პარტიიის დიდი მარცხი შესაძლებელი იქნება იმ შემთხვევაში, თუ ამომრჩეველთა დიდი უმრავლესობა დააფიქსირებს საკუთარ პოზიციას:

,,მკაფიო მარცხი ელის ივანიშვილის რეჟიმს, თუ ჩვენი მოქალაქეები მოვლენ ამ არჩევნებზე და თავის თავისუფალ ნებას დააფიქსირებენ – ეს გარდაუვალი იქნება. ერთადერთი იარაღი, რაც ივანიშვილის რეჟიმს აქვს ამის წინააღმდეგ აქვს ახლა, გარდა უკანონო, არალეგიტიმური, ძალადობრივი მოსყიდვის ინსტრუმენტებისა, არის უიმედობა და არ მოსვლა მოქალაქეების არჩევნებზე.

უტიფარ და ბრიყვულ განცხადებებს სწორედ იმიტომ აკეთებენ, რომ 2% რომც ავიღოთ არ იქნება არჩევნები, ამიტომ გავიდნენ იმ ვალდებულებიდან, რომელიც თვითონვე აიღეს, რომ ეშინიათ შედეგის!

პირიქით, ეს არის მათი ტაქტიკა, რომ მოქალაქეებში უიმედობა დანერგონ, აზრი არ აქვს არჩევნებს. რომ არ ეშინოდეთ შედეგების, ამ სიბრიყვეებს ამ დოზით ეს რეჟიმიც კი არ ილაპარაკებდა! ამიტომ მთავარია ახლა, დაფიქსირდეს დიდი მარცხი“, – განაცხადა გიგა ბოკერიამ.

ავტორი
ნინი ხიჯაკაძე