,,მესამე ძალა – სტრატეგია აღმაშენებლის“ ლიდერი გიორგი ვაშაძე ჟურნალისტებთან კომენტარის დროს აღნიშნავს, რომ ,,ქართული ოცნება“ ემსახურება საკუთარ პოლიტიკურ ინტერესებს და არა ხალხს. ამიტომ, ხელისუფლების შეცვლისთვის აუცილებელია, რომ 2 ოქტომბერს თითოეულმა მოქალაქემ დააფიქსიროს საკუთარი პოლიტიკური ნება:
“თქვენ დღესაც ნახეთ ხელისუფლების წარმომადგენლები როგორი კორდონებით მოვიდნენ აქ და ხალხთან რამდენად დისტანცირებულები არიან. ეს არის ნათელი მაგალითი იმის, რომ ისინი ხალხს კი არ ემსახურებიან, ემსახურებიან საკუთარ პოლიტიკურ ინტერესებს.
არავინ არსად არ გადადგება, თუ 2 ოქტომბერს არ მივედით და ჩვენ არ გადავაყენეთ ეს ხელისუფლება.
რა თქმა უნდა, უკანონობას გააგრძელებენ. ვინმე ელოდით რომ სუსი, შსს, პროკურატურა უცებ სამართლიანი გახდებოდა და საკუთარ თავს დაიჭერდა ან დაკითხავდა?! – ამის მოლოდინი ტყუილად ნუ გვაქვს!“, – განაცხადა გიორგი ვაშაძე.
ავტორი
ნინი ხიჯაკაძე
