“კოალიცია ინფორმაციის სანდოობისთვის” – ვერთიანდებით დეზინფორმაციის წინააღმდეგ

51

27 სექტემბერი 2021, თბილისი: 8 წამყვანი არასამთავრობო ორგანიზაცია ქართული საინფორმაციო სივრცის დეზინფორმაციისგან დაცვის მიზნით კოალიციაში გაერთიანდა. „კოალიცია ინფორმაციის სანდოობისთვის“, USAID-ის და ინფორმაციის სანდოობის ხელშეწყობის პროგრამის მხარდაჭერით ჩამოყალიბდა და იგი დეზინფორმაციის წყაროების იდენტიფიცირების, მონიტორინგის და კვლევის მიმართულებით იმუშავებს.

აღსანიშნავია, რომ დეზინფორმაცია და ანტიდასავლური პროპაგანდა მნიშვნელოვან ზიანს აყენებს საქართველოს ეროვნულ ინტერესებს. ამ საფრთხეების პირისპირ, საჭიროა საზოგადოების ერთიანი და შეთანხმებული მიდგომა. ამიტომ, კოალიცია მზადაა ითანამშრომლოს ყველა დაინტერესებულ მხარესთან, რომელიც იზიარებს დემოკრატიულ ღირებულებებს, მათ შორის – კერძო თუ არასამთავრობო სექტორთან, მედიასთან, რიგით მოქალაქეებთან, პოლიტიკურ პარტიებთან და მთავრობასთან.

USAID/საქართველოს მისიის დირექტორის პიტერ ვიბლერის განცხადებით, დეზინფორმაციის მონიტორინგისა და მის წინააღმდეგ ბრძოლის ეფექტიანი მექანიზმების შესაქმნელად კოალიციის დაფუძნება “ერთიანი საზოგადოებრივი მიდგომის” კარგი მაგალითია:

დეზინფორმაციას შეუძლია შეაფერხოს ან შეანელოს საქართველოს დემოკრატიული განვითარება და ევრო-ატლანტიკურ სივრცეში ინტეგრაცია. სწორედ ამიტომ დეზინფორმაციასთან ბრძოლისთვის უნდა გაერთიანდეს საზოგადოების ყველა ჯგუფი: მთავრობა, მედია, კერძო სექტორი და სამოქალაქო საზოგადოება. USAID მხარს უჭერს საქართველოს “ერთიან საზოგადოებრივ მიდგომას” დეზინფორმაციის ყველა ფორმასთან საბრძოლველად. ამ მიდგომის ნაწილია სამოქალაქო საზოგადოების გაძლიერება, რათა ერთობლივად გადაიდგას, ინოვაციური, პროაქტიული და ეფექტიანი ნაბიჯები დეზინფორმაციისგან საინფორმაციო სივრცის დასაცავად,” – განაცხადა პიტერ ვიბლერმა.

არჩევნების დღეს მოსალოდნელი დეზინფორმაციული საფრთხეების პრევენციის მიზნით, კოალიცია, კოორდინირებულად იმოქმედებს დეზინფორმაციის ფაქტების გამოსავლენად. კოალიციის, დამფუძნებლების განცხადებით, წევრი ორგანიზაციები შეეცდებიან ერთიანი და კოორდინირებული პასუხი გასცენ იმ მავნე გარე თუ შიდა აქტორებს, რომლებიც დეზინფორმაციის გამოყენებით საზოგადოების დაყოფასა და დაპირისპირებას ცდილობენ.

კოალიციის შესახებ:
კოალიციის წევრი ორგანიზაციები აირან: ინფორმაციის თავისუფლების განვითარების ინსტიტუტი (IDFI), iFact, მედიის განვითარების ფონდი (MDF), ომისა და მშვიდობის გაშუქების ინსტიტუტი (IWPR), სამართლიანი არჩევნებისა და დემოკრატიის საერთაშორისო საზოგადოება (ISFED), საქართველოს ჟურნალისტური ეთიკის ქარტია, საქართველოს რეფორმების ასოციაცია (GRASS), ტოლერანტობისა და მრავალფეროვნების ინსტიტუტი (TDI). კოალიციის საქმიანობას შეგიძლიათ თვალყური მიადევნოთ “ფეისბუქ” გვერდზე: https://www.facebook.com/infointegritycoalition/

USAID-ი საქართველოში
USAID საქართველოში 1992 წლიდან მუშაობს და მხარს უჭერს ქვეყნის დემოკრატიულ ტრანსფორმაციას და დასავლეთის პოლიტიკურ, უსაფრთხოების თუ ეკონომიკურ ინსტიტუციებში ინტეგრაციას. USAID-ის 35-ზე მეტი პროგრამა აძლიერებს საქართველოს მედეგობას მავნე ზეგავლენის წინააღმდეგ, მოქალაქეების მოთხოვნებზე ადეკვატური რეაგირების მქონე მმართველობის გაძლიერების გზით, ხელს უწყობს დემოკრატიის სიკეთეების კონსოლიდაციას და ეკონომიკური ზრდის ტემპის მატებით აჩენს კვალიფიციური დასაქმების შესაძლებლობებს. Მეტი ინფორმაციისთვის, მიჰყევით ბმულს: https://www.usaid.gov/georgia.

კომენტარები პუბლიკაციაზე