კვლევებით თავს ნუ დავიმშვიდებთ, საქართველოს მოქალაქეების მაქსიმალური აქტივობაა საჭირო – მიმართავს საზოგადოებას ,,მესამე ძალა – სტრატეგია აღმაშენებლის“ ლიდერი გიორგი ვაშაძე და ამომრჩევლებს განუმარტავს, რომ იმ შემთხვევაში, თუ არჩევნებში “ქართული ოცნება” 43%-ზე ნაკლებს აიღებს, საერთაშორისო მხარდჭერით, საქართველოში შესაძლებელი იქნება რიგგარეშე საპარლამენტო არჩევნების ჩატარება:
,,კვლევებით თავს ნუ დავიმშვიდებთ, მთავარი ესაა. დიახ, ხელისუფლება შეიცვლება, მაგრამ მის ცვლილებას, ამ კვლევებითაც ჩანს, რომ საქართველოს მოქალაქეების მაქსიმალური აქტივობა სჭირდება.
ჩვენ “მესამე ძალა – სტრატეგია აღმაშენებელი” ყველაფერს გავაკეთებთ იმისთვის, რომ 43% ვერ აიღოს “ქართულმა ოცნებამ” და ქვეყანაში მშვიდობიანად, წყნარად დავასრულოთ დაპირისპირება და დავიწყოთ ცვლილებები.
იქნება 43%-ზე ნაკლები, გვექნება სრული მხარდაჭერა ამერიკის და ევროკავშირის მხრიდან, რადგან ქართველი ხალხის ნებაა ეს და დაინიშნება რიგგარეშე საპარლამენტო არჩევნები. ისევე, ხაზს ვუსვამ, როგორც 19 აპრილს ვაიძულეთ “ქართული ოცნება” ხელი მოეწერათ შარლ მიშელის შეთანხმებაზე.
