ორდენიძე-მოდებაძის ოჯახთან დაკავშირებით “მთავარი არხის” ეთერში გასულ გადაცემებთან დაკავშირებით საკმაოდ ემოციური შეფასებები გამოითქვა მედიასა თუ სოციალურ ქსელებში. პოზიცია დააფიქსირა დედაქალაქის მერმა, კახა კალაძემაც, რაზეც საკმაოდ მწვავე და მძიმე შეფასება ჰქონდა აღნიშნული ტელეკომპანიის გენერალურ დირექტორს, ნიკა გვარამიას:
“კახი კალაძე: ორდენიძეების ოჯახის ამბავი მოგონილი სანტა-ბარბარაა.
ასეთ ნაძირალას მეორეს არ ვიცნობ. ამასთან შედარებით მამამისი კარლოც კი სერაფიმია.
ბესო ფიფია: აიღო თუ არა ფული კარლო კალაძემ, მას კითხეთ. სხვაზე თავს ვერ დავდებ 🙂 იუდას ამბორი…“, – წერს ფეისბუქის პირად გვერდზე ნიკა გვარამია.
ინფორმაციისთვის: თამარ ორდენიძე ამტკიცებს, რომ მისი ოჯახი კალაძის მამის, კარლო კალაძის თაღლითური სქემის მსხვერპლი გახდა და სამართლიანობის აღდგენას ითხოვს. ოჯახის მხრიდან ასევე ბრალდების ობიექტია კალაძეების ოჯახის ნაცნობი ბესო ფიფია, რომელთანაც ხშირი კომუნიკაცია ჰქონდა გარდაცვლილ მანანა მოდებაძეს, თამარ ორდენიძის დედას.
