,,მესამე ძალა – სტრატეგია აღმაშენებლის“ თავმჯდომარე გიორგი ვაშაძე ბრიფინგზე საუბრობს ქვეყანაში არსებულ მძიმე წინასაარჩვენო პროცესებზე და აცხადებს, რომ სიტუაცია უნდა დამშვიდდეს და ვიბრძოლოდ გამარჯვებისთვის, ხოლო მას შემდეგ, რაც ,,ქართული ოცნება“ დამარცხდება, ,,მესამე ძალა“ და ,,სტრატეგია აღმაშენებელი“ მშვიდობიანი განვითარების პროცესის გარანტი იქნება:
,,უმძიმეს და არანორმალურ ვითარებაში მიდის საარჩევნო პროცესი. ეს არის ვითარება სადაც, ფაქტობრივად, დაჭრა, გატაცება ხდება სტანდარტი ამ ყველაფერში. დაპირისპირებამ შეიძინა სრულიად სხვა განზომილება.
ჩვენ ,,მესამე ძალა“ და ,,სტრატეგია აღმაშენებელი“:
- ყველას მოვუწოდებთ, რომ შეინარჩუნეთ სიმშვიდე;
- მაგრამ უნდა ვიბრძოლოთ, ხალხო, ბოლომდე! – იმისთვის, რომ ეს უკიდეგანოდ უსამართლო ვითარება, რაც ქვეყანაში არის ერთხელ და სამუდამოდ უნდა შეიცვალოს; უნდა ვიბრძოლოთ იმისთვის, რომ არ იყოს არჩევნები თავ-პირის მტვრევა ამ ქვეყანაში; უნდა ვიბრძოლოთ იმისთვის, რომ არ იყოს არც ერთი ქმედება დაუსჯელი, რომელიც არის კრიმინალური; უნდა ვიბრძოლოთ იმისთვის, რომ ქვეყანა წავიდეს წინ!
ის, რაც ახლა ხდება არის უმძიმესი ვითარება. სამწუხაროდ, ,,ქართული ოცნება“ პირდაპირ ძალადობით ცდილობს, რომ არჩევნების შედეგი გაიფორმოს. ჩვენ ყველამ უნდა ვიბრძოლოთ იმისთვის, რომ დავამშვიდოთ ვითარება.
ჩვენ ,,მესამე ძალა“ და ,,სტრატეგია აღმაშენებელი“ – შეგვიძლია ვიყოთ გარანტი იმის, რომ არჩევნებში ,,ქართული ოცნების“ დამარცხების შემდეგ, იქნება მშვიდობიანი განვითარების პროცესი და არ ექნება ადგილი, არცერთ შემთხვევაში, ამ უკიდეგანო უსამართლობას, რომელიც დღეს არის ქვეყანაში!“, – განაცხადა გიორგი ვაშაძემ.
ავტორი
ნინი ხიჯაკაძე
