აფხაზეთის და გალის სკოლებში ოფიციალურად აიკრძალა ქართული ენის სწავლება და გამოცხადდა უცხო ენად. ,,ლეიბორისტული” პარტიის თავმჯდომარემ შალვა ნათელაშვილმა მიმართა მმართველი გუნდის ლიდერებს და აცხადებს, რომ თუ არ მოითხოვენ საქციების დაწესებას პუტინისა და მისი მთავრობის წევრების მიმართ, ქართული ენის გენოციდისთვის, დედაენის ძეგლთან გასამართლებას ჰპირდება ,,ქართულ ოცნებას”:
,,მინდა გავაკეთო მოკლე განცხადება იმასთან დაკავშირებით, რომ გალის რაიონსა და აფხაზეთში აიკრძალა ქართული ენის სწავლება ოფიციალურად და გამოცხადდა იგი უცხო ენად.
ეს იმ გენოციდის გაგრძელებაა, რასაც კრემლი და პუტინი ახორციელებს ივანიშვილის რეჟიმის თანამონაწილეობით და მდუმარებით, რომლებსაც ერთი პროტესტიც კი არ განუცხადებიათ! არც ახლა, ამ საშინელ ენობრივ გენოციდზე!
მე ახლა მივმართავ ივანიშვილს, ღარიბაშვილს, კუჭავას და მთელ ამ ბანდას მოკლედ: თუ თქვენ ახლა არ მოითხოვთ პუტინისა და მისი მთავრობის წევრობის სანქცირებას ქართული ენის გენოციდისათვის, იმ მსოფლიოში, სადაც გადაშენებულ ენებს ეძებ და აღორძინებენ, აი, თქვენ გაგასამართლებთ დედაენის ძეგლთან”, – განაცხადა შალვა ნათელაშვილმა.
ავტორი
ნინი ხიჯაკაძე
