“სუსი არის ყველაზე უფრო მძიმედ აღჭურვილი იარაღი ოლიგარქის ხელში, ამიტომ ეს სუსი უნდა დაიშალოს!” – ხატია დეკანოიძემ

,,ერთიანი ნაციონალური მოძრაობის” ქუთაისის მერობის კანდიდატი ხატია დეკანოიძე მწვავე შეფასებას აკეთებს მმართველი გუნდისა და სუსის მისამართით. ოპოზიციონერი ლიდერის თქმით, სუსი არის ,,გესტაფო” და პირდაპირ ექვემდებარება ბიძინა ივანიშვილს:

,,ირაკლი ღარიბაშვილი, მთელი საქართველოს ხელისუფლება, მათ შორის, განსაკუთრებით, ლილუაშვილი, იმიტომ, რომ ლილუაშვილი ამ შემთხვევაში ექვემდებარება პირდაპირ ბიძინა ივანიშვილს – აი, ამ ადამიანების პასუხისმგებლობა აუცილებლად იქნება.

აქ იკვეთება სისხლის სამართლებრივი ეპიზოდებიც, როგორც მოგახსენეთ, განსაკუთრებით სუსის უფროსის მიმართ და ასევე, მნიშვნელოვანია ერთი რამ: პარლამენტში საპარლამენტო უმრავლესობას, რომელიც უნდა იყოს წარმომადგენლობითი ორგანოს ყველაზე მნიშვნელოვანი ფუნქციის მატარებელი, არ აინტერესებს საერთოდ და პირიქით დაკავებულია ლილუაშვილის გამართლებით, ანუ ბიძინა ივანიშვილის გათეთრებით და გამართლებით.

არ გამოვა ესე! სუსი არის გესტაპო! სუსი არის ყველაზე უფრო მძიმედ აღჭურვილი, ამ შემთხვევაში იარაღი ოლიგარქის ხელში, ამიტომ შესაბამისად ეს სუსი უნდა დაიშალოს!”- განაცხადა ხატია დეკანოიძემ.

ავტორი
ნინი ხიჯაკაძე