,,ლეიბორისტული“ პარტიის თავმჯდომარემ შალვა ნათელაშვილმა დღეს 3 რეგიონის კანდიდატები წარადგინა- აჭარის, სამეგრელოსა და გურიის. წარდგენამდე კი ოპოზიციონერმა ლიდერმა კომენტარი გააკეთა აზერბაიჯანული ნავთობკომპანია ,,სოკარის“ პრეზიდენტ როვნაგ აბდულაევის საქართველოში ჩამოსვლასთან დაკავშირებით:
,,ალბათ ყველამ მიაქციეთ ყურადღება აბდულაევის ჩამოსვლას, რომელიც ცდილობს, გადაუტრიალოს ტვინი ჩვენს აზერბაიჯანელებს ხელისუფლების სასარგებლოდ, ტრადიციულად. სპეციალურად ჩამოიყვანეს ბაქოდან ეს ბატონი, სოკარის მმართველი. ახლა ხომ მაინც ხვდება ყველაზე დიდი პესიმისტიც – რატომ აჩუქა ბიძინა ივანიშვილმა ალიევს დავით გარეჯი, ჩიჩხიტური და აღდგომის მონასტერი?
აი, ,,ხელი ხელს ბანს – ორივე პირს“. არჩევნებში დასჭირდა, ჩამოიყვანა, მაგრამ ვიცი, რომ ჩვენი აზერბაიჯანელი ამომრჩეველი არის ბრძენი, ჭკვიანი და მან ძალიან კარგად იცის ვის მისცეს ხმა.
ახალ მინდა წარმოგიდგინოთ ,,ლეიბორისტული“ პარტიიდან დეპუტაცია, სიის ლიდერები, პირველი ნომრები აჭარაში, სამეგრელოსა და გურიაში.
მთავარს გეტყვით, რომ ეს არის ხალხი, რომელსაც შეუძლია მოკლული ძაღლი ანუ მიცვალებული ხელისუფლება ისტორიის სანაგვეზე ძალიან მალე გადაათრიოს. ამიტომ, გვაქვს თქვენი იმედი. ერთად დგომა ჩვენი პარტიისა და ხალხის – არის საქართველოს გამარჯვების გარანტირებული საწინდარი”, – განაცხადა შალვა ნათელაშვილმა
