ველური ბუნების ეროვნული სააგენტოს საინტერესო ინფორმაცია – გაიცანით კრწანისის ტყეპარკის მობინადრე ფრინველი წყლის ქათამი – Common moorhen (Gallinula chloropus)
სხეულის სიგრძე: 27-31სმ, დამახასიათებელია მოშავო-მურაშეფერილობის ზურგი და ფრთები, თეთრი კუდქვეშა ბუმბულები, თეთრი ზოლი სხეულის გვერდებზე; მკრთალი, შავი თავი და მკერდი; მწვანე ფეხები, წითელი შუბლი და ნისკარტი. ახალგაზრდა ფრინველი ღია მურა ფერისაა, შუბლი და ნისკარტიც მურა აქვს.
ბუდეს იკეთებს ლერწმნარში. წელიწადში მრავლდება ორჯერ: პირველად – აპრილში, მეორედ – ივნისში. დებს 6-12 კვერცხს
მისი ჰაბიტატია ტბების, მდინარეებისა და წყალსატევების ლელქაშიანი სანაპიროები.
IUCN-ის სტატუსი: LC
