“იქნება ვადამდელი არჩევნები, როდესაც ,,ქართული ოცნება“ მიიღებს ქართველი ხალხის ვერდიქტს 2 ოქტომბერს” – ბადრი ჯაფარიძე

მმართველი პარტიის წარმომადგენლები კატეგორიულად აცხადებენ, რომ შარლ მიშელის დოკუმენტი ანულირებულია და არჩევნებში დამდგარი ნებისმიერი შედეგის მიუხედავად ქვეყანაში რიგგარეშე არჩევნები არ იქნება. ოპოზიციური სპექტრი კი მიიჩნევს, რომ საბოლოო გადაწყვეტილებას მიიღებს ხალხი. აღნიშნულ თემაზე კომენტარი გააკეთა ,,ლელოს“ ლიდერმა ბადრი ჯაფარიძემ:

,,შარლ მიშელის დოკუმენტს ეწოდება – ,,საქართველოს მომავლის საგზაო რუქა“. მას ასე უწოდებს ევროკავშირი, აშშ. თუ ვინმე ამბობს, რომ საქართველოს მომავლის საგზაო რუქა აღარ არსებობს, მე ვფიქრობ, ეს პოლიტიკური ძალა უნდა გაქრეს, რამდენადაც ეს არის საქართველოს ევროპული მომავალი, რომლის საგზაო რუქის გაქრობა არის ქართველი ერის ნების წინააღმდეგ.

იქნება ვადამდელი არჩევნები, როდესაც ,,ქართული ოცნება“ მიიღებს ქართველი ხალხის ვერდიქტს 2 ოქტომბერს და ის გასტუმრებული იქნება ხელისუფლებიდან“, – განაცხადა ბადრი ჯაფარიძემ.

ავტორი
ნინი ხიჯაკაძე