“რა თქმა უნდა, ყველა ქალაქში, ყველა მუნიციპალიტეტში ვიმარჯვებთ, 2 ოქტომბერს კიდევ ერთხელ ვიზეიმებთ ჩვენს საერთო გამარჯვებას და ამ გამარჯვებით, საფუძველი ჩაეყრება, კიდევ უფრო განმტკიცდება ჩვენი გრძელვადიანი განვითარება და ეს ტემპი კიდევ უფრო გაიზრდება,” – განაცხადა საქართველოს პრემიერ-მინისტრმა ირაკლი ღარიბაშვილმა ამომრჩევლებთან მორიგი შეხვედრისას.
მთავრობის მეთაურმა კიდევ ერთხელ აღნიშნა, რომ მომდევნო სამი წელი ქვეყანაში აღარ იქნება არჩევნები.
“ჩვენ, ამ არჩევნების ჩატარებით, კიდევ ერთხელ ბეჭედს დავუსვამთ სტაბილურობას, მშვიდობას და განვითარების ახალ ეტაპს დავიწყებთ ქვეყანაში, მასშტაბურ განვითარების ეტაპს, ყველა რეგიონში, ყველა ქალაქში და მუნიციპალიტეტში”, – აღნიშნა პრემიერმა.
ინფორმაციას პარტია “ქართული ოცნების” პრესსამსახური ავრცელებს
