კახა კალაძემ უარი განაცხადა 4 ტელეკომპანიის ერთობლივ შეთავაზებაზე თბილისის მერობის კანდიდატების დებატებზე მისვლასთან დაკავშირებით და აღნიშნავს, რომ თავს არ თვლის ვალდებულებად მივიდეს იმ ტელევიზიაში, რომელიც დაკავებულია ცილისწამებით მისი და მისი ოჯახის წევრების მიმართ. თბილისის მოქმედი მერი განმარტავს, რომ საზოგადოებრივ არხზე ყველა კანდიდატთან ერთად გამართვას დებატებს:
,,არ ვაპირებ ტელევიზიებში მისვლას და ამას აქვს თავისი ახსნა. სამწუხაროდ, უნდა აღინიშნოს, რაც ჩემთვის პირადად გულდასაწყვეტია იმიტომ, რომ მე არასდროს თქვენთვის არ მიკადრებია ესეთი რაღაცები, რასაც აკეთებთ ჩემი და ჩემი ოჯახის წინაღმდეგ. შესაბამისად, არ ვთვლი, რომ უნდა მივიდე ასეთ ტელევიზიაში, რომელიც დაკავებულია ცილისწამებით, ტალახის სროლით, შეურაცხყოფით, უკვე ჩემზეც აღარ გაჩერდნენ, ჩემი ოჯახის წევრებზე გადავიდნენ.
(ჟურნალისტის შეკითხვა: “- ოპონენტები ამბობენ, რომ გეშინიათ დებატებზე მისვლა”) ხო, აი, შიშით ფეხები მიკანკალებს. 18-ვე თუ 16-ვე დადგეს, მზად ვარ ნეიტრალურ ტელევიზიაში, ,,საზოგადოებრივ მაუწყებელზე“ მივიდე დებატებზე.
არაფრით არ განსხვავდებიან ესენი სხვა კანდიდატებისგან. არც რეიტინგებით და არაფრით არ განსხვავდებიან“, – განაცხადა კახა კალაძემ.
ავტორი
ნინი ხიჯაკაძე
