„მესამე ძალა-სტრატეგია აღმაშენებლის“ ნაძალადევის რაიონის მაჟორიტარობის კანდიდატის ზაზა კორთხონჯიას თქმით, ახალგაზრდები ქვეყნის აღმშენებლობაში აქტიურად უნდა იყვნენ ჩართულნი. კორთხონჯიას მიაჩნია, რომ ახალგაზრდების განეიტრალება პოლიტიკურ ველზე ავტორიტარული რეჟიმის ჩამოყალიბებას უწყობს ხელს:
“დღეს ჩემთვის პრიორიტეტული საკითხია ახალგაზრდები და ახალგაზრდების გააქტიურება პოლიტიკურ ველზე. პოლიტიკურად განეიტრალებული ახალგაზრდობა ხელს უწყობს ავტორიტარული რეჟიმის ჩამოყალიბებას.
სამწუხაროდ დამკვიდრდა სტიგმა, თითქოს პოლიტიკა არის ბინძური საქმე. არა ბატონებო! პოლიტიკას ბინძურად წარმოაჩენენ ბინძური პოლიტიკოსები. პოლიტიკა არის ის უნიკალური ინსტრუმენტი, რომლითაც ჩვენ შეგვიძლია შევცვალოთ ადამიანების სოციალური ყოფა უკეთესობისკენ.
მნიშვნელოვანია, ქვეყნის აღმშენებლობის პროცესში აქტიურად იყვნენ ჩართულნი ახალგაზრდები, იმ ახალგაზრდული ენთუზიაზმითა და ნოვატორული ხედვებით, რაც არსებულ პოლიტიკურ გარემოსა და მოცემულობას პოზიტიურად შეცვლის.
პოლიტიკაში პოლიტიკურად აქტიური ახალგაზრდობა ნიშნავს ძლიერ სახელმწიფოს!“ – აღნიშნავს ზაზა კორთხონჯია.
ინფორმაციას “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
