“გუშინდელი მეგობრები არიან, გუშინწინდელი არ ვიცი – უახლოესი თანამებრძოლები და ძალიან უხერხულია…” – ნიკა მელია კახა კალაძესა და გიორგი გახარიაზე

,,ერთიანი ნაციონალური მოძრაობის“ თავმჯდომარე ნიკა მელია ირონიულად საუბრობს კახა კალაძესა და გიორგი გახარიას მისამართით, ხოლო თბილისის მერის არჩევნებთან დაკავშირებით მიაჩნია, რომ შესაძლოა თბილისში დაინიშნოს მეორე ტური, თუმცა პირველ ტურში სხვებზე უკეთესი შედეგი მას ექნება:

,,გუშინდელი მეგობრები არიან, გუშინწინდელი არ ვიცი – უახლოესი თანამებრძოლები და ძალიან უხერხულია, ჩემი აზრით, როდესაც ნუ ყოველ შემთხვევაში ერთი მხრიდან ვაკვირდებით წარმოუდგენელ საარაკო თავდასხმებს მეორეზე, არადა გუშინწინ ერთმანეთს აქებდნენ, გვერდიდან არ შორდებოდნენ და რომ გეკითხათ, არ არსებობდა მათზე უკეთესი საქართველოს მოქალაქე ამ ქვეყანაში. დღეს პრაქტიკულად ტალახში სვრიან ერთმანეთს.

გუნდთან დაკავშირებით ახლა ბატონი კალაძე არც უნდა საუბრობდეს ალბათ, თუ რაიმე არის და ვინმე არის პერსონიფიკაცია კორუფციის, ალბათ ეს ბატონი გახლავთ, ხო? – არც თუ ისე უსაფუძვლოდ.

რაც შეეხება ახლა მეორე ტურს, ეს ილუზია რატომ შეიძლება ჰქონდეს ,,ქართულ ოცნებას“?! მეორე ტურის პრობლემა 2014 წელს არ ყოფილა, როდესაც მმართველი გუნდის მიმართ იყო წარმოუდგენელი ნდობა, ხო? – ამიტომ, არა თუ მეორე ტურზე, გეუბნებით პირველ ტურში შედეგობრივად, მე არ გამოვრიცხავ, რომ თბილისში იქნება მეორე ტური, რა თქმა უნდა, მე გავიმარჯვებ“, – განაცხადა ნიკა მელიამ.

ავტორი
ნინი ხიჯაკაძე