“სიმართლე გითხრათ ვერაფერი გავიგე – შეხვედრის მიზანი, მიზეზი, ერთადერთი, რაც ითქვა შეხვედრაზე იყო ის, რომ აყენებდა კანდიდატურას და არ უნდოდა ეს ტელევიზიით გამეგო” – კახი კალაძე

თბილისის მერი კახი კალაძე გიორგი გახარიასთან შეხვედრის დეტალებზე საუბრობს. მისი თქმით, ვერ გაიგო მიზეზი და მიზანი ამ ყველაფრის, თუმცა განმარტავს, რომ ყოფილმა თანაგუნდელმა პირადად აცნო კანდიდატურის დაყენების შესახებ:

,,რამდენჯერმე განხორციელდა ზარი და ადამიანურად ახლა თავს მივეცი უფლება, ამდენი ხანია ერთად ვიყავით, ხომ? – მითხრა, რომ შეხვედრის სურვილი ჰქონდა. ნუ მაშინ ვუთხარი მერიაში ვარ, მოდი და მოვიდა. გუშინ დილით მოხდა ეს შეხვედრა, მთავრობის სხდომამდე რამდენიმე წუთით ადრე.

სიმართლე გითხრათ ვერაფერი გავიგე – შეხვედრის მიზანი, მიზეზი. ერთადერთი, რაც ითქვა შეხვედრაზე ეს იყო ის, რომ აყენებდა კანდიდატურას და არ უნდოდა ეს ტელევიზიით გამეგო. თავად გადაწყვიტა, რომ მას ეთქვა ეს ყველაფერი. დანარჩენი გულწრფელად გეტყვით, ვერ გავიგე.

მერობის კანდიდატი ვარ – ვახორციელებ ჩემს უფლება-მოსილებას. გუშინდელ შეხვედრამდე არ მქონია არასდროს არანაირი კომუნიკაცია გიორგი გახარიასთან, სანამ ის იყო ჩვენი გუნდის წევრი“, – განაცხადა კახი კალაძემ.

ავტორი
ნინი ხიჯაკაძე