საგარეო საქმეთა მინისტრი დავით ზალკალიანი აცხადებს, რომ ევროკავშირისთვის სესხზე უარის თქმა არ ნიშნავს ქვეყნის დასავლური კურსის ცვლილებას. ქვეყნის მთავარმა დიპლომატმა, ამ საკითხთან მიმართებაში, ასევე გამოყო რამდენიმე ძირითადი კომპონენტი – ეკონომიკური, ფინანსური და პოლიტიკური:
,,პირველ რიგში მინდა, რომ ძალიან მკაფიოდ გავმიჯნო ამ მიკროსაფინანსო დახმარებასთან დაკავშირებული ეკონომიკური, ფინანსური და პოლიტიკური კომპონენტი.
რაც შეეხება ეკონომიკურ ნაწილს ვფიქრობ, რომ ის დასაბუთება, რომელიც წარმოადგინა საქართველოს ხელისუფლებამ და საქართველოს მთავრობამ იყო ძალიან მკაფიო. ამას მეტყველებს ასევე, გუშინდელი ევროკავშირის განცხადება.
ევროკავშირი აღნიშნავს რაღაც ნაწილში, ის იღებს იმ რეფორმებს, რომელიც მართლმსაჯულების მიმართულებით საქართველოს ხელისუფლებამ განახორციელა, რაღაც ნაწილში ის ამბობს, რომ ეს არის არასაკმარისი და გვესმის, რომ ეს პირობითობა იყო ჩადებული.
ეს არის, რა თქმა უნდა, დასაბუთებული არგუმენტი იმ ეკონომიკური სიტუაციიდან გამომდინარე და ევროკავშირი ახლა რა გადაწყვეტილებას მიიღებდა დღევანდელიდან გამომდინარე, შესალოა მას ეს გადაწყვეტილება მიეღო, მაგრამ ჩვენ ვმოქმედებთ ჩვენი ქვეყნის ინტერესებიდან გამომდინარე.
სესხზე უარის თქმა არ ნიშნავს რეფორმებზე უარის თქმას“, – აცხადებს დავით ზალკალიანი.
ავტორი
ნინი ხიჯაკაძე
