ნიგერიელი ბიზნესმენი, იბოს ტომის მეფე რიჩარდ არინზე ოგბუნუჯუ თბილისი მერის პოსტისთვის არჩევნებში იბრძოლებს. მისი პროგნოზი საკმაოდ ოპტიმისტურია და ფიქრობს, რომ არჩევნებში ამომრჩევლების 80%-ს მიიღებს:
“მე კონკურენტზე არ ვფიქრობ, არ მყავს კონკურენტი და მაქვს გამარჯვების იმედი. 80%-ს მივიღებ. აქ ვცხოვრობ უკვე 26 წელია და მე ვგრძნობ, მე ვიცი სად არის პრობლემები და უჭირს ხალხს, ვიცი რა უნდა მოსახლეობას. სამსახური უნდა, მეტი არაფერი.
არანაირი ნეპოტიზმი არ იქნება, აქ არც დედა მყავს – არც ძმა, არც მეგობრები. ჩემი მეგობრები არიან ქართველები, აქ არ მყავს არც დეიდაშვილი, მამიდაშვილი, მარტო ვარ, ე.ი. იძულებული არ ვიქნები ვიღაც რომ უნდა დავნიშნო, ვიღაც რომ ავიყვანო. ქართველებმა უნდა მოაგვარონ აქაური პრობლემები“, – განაცხადა რიჩარდ არინზე ოგბუნუჯუმ ტელკომპანია “ფორმულას” ჟურნალისტთან კომენტარში.
