“სტრატეგია აღმაშენებელი” ტელეკომპანია იმედის მიერ გავრცელებულ ვიდეო მასალას, სადაც ნაჩვენები გიორგი ვაშაძის კომენტარი კოვიდ პანდემიასთან დაკავშირებით შარშან და წელს, განცხადებას ავრცელებს. როგორც განცხადებაშია ნათქვამი, “იმედის” მიერ გავრცელებული მასალა პარტიის ლიდერის რეპუტაციულ ზიანს ითვალისწინებს:
“ტელეკომპანია “იმედის” მიერ სოციალურ ქსელში გავრცელებული ვიდეომასალა არის წინასაარჩევნო მანიპულაცია, რათა რეპუტაციული ზიანი მიადგეს „სტრატეგია აღმაშენებლის“ ლიდერს გიორგი ვაშაძეს. აქვე ავღნიშნავთ, რომ წელს არჩევნებამდე 38 დღით ადრე სტატისტიკა გვაქვს 5021 ახალი შემთხვევა. შარშან, ამავე პერიოდში არჩევნებამდე 38 დღით ადრე გვქონდა 259 შემთხვევა, არჩევნების დღეს 30 ოქტომბერს – 1673 შემთხვევა. იმედი გვაქვს განსხვავებას ხედავთ ამ ორ პერიოდს შორის” – ნათქვამია “სტრატეგია აღმაშენებლის” მიერ გავრცელებულ განცხადებაში.
