„სტრატეგია აღმაშენებლის“ თავმჯდომარე „ქართული ოცნების“ ლიდერების განცახადებეს უპასუხისმგებლოს უწოდებს. გიორგი ვაშაძის თქმით ქვეყანაში არსებული ეპიდემიოლოგიური ვითარების ფონზე ერთმანეთისკენ თითის გაშვერის დრო არარის:
„ქვეყანაში უმძიმესი ვითარებაა, მძვინვარებს პანდემია. ტრაგედიამ მოიცვა ჩვენი და ჩვენი ახლობლების ოჯახები და სამწუხაროდ უნდა ვთქვა, რომ ყოველდღიურად მეტიდამეტი გარდაცვლილი ადამიანია, ამ ყველაფრის ფონზე კი ჯანდაცვის სისტემა უმძიმეს მდგომარეობაშია. მოსახლეობას რეალურად ეშინია კოვიდპანდემიის იმიტომ, რომ არ იმართება სისტემა ისე, როგორც უნდა იმართებოდეს. ამ მძიმე ფონზე „ქართული ოცნების“ ლიდერების განცხადებები, რასაც გუშინ და დღეს ვისმენთ, არის აბსოლიტურად უპასუხისმგებლო.
რამდენად უპრინციპო უნდა იყო ადამიანი, როდესაც კვლავ პოლიტიკური მიზნებისთვის იყენებ კოვიდპანდემიას. ჩვენს ყველა განცხადებაში ყოველთვის რბილად ვსაუბრობდით არჩევნების გადადების საკითხზე.
რა არის მათი მიზანი?! – მიზანი არის ის, რომ კვლავ აჩვენონ ქვეყანაში ორპოლუსიანობა, ისევ თქვან რომ ყველა ერთი პარტიაა, მათ შორის სახალხო დამცველიც, თქვან რომ პარტიებს შორის განსხვავება არ არის, პოლიტიკოსებს შორის განსხვავება არ არის…
ნუთუ არ გრცხვენიათ?! როდესაც ამდენი ადამიანი იღუპება, ახლა მაინც მოიშალეთ ეს თქვენი სტანდარტული პოლიტიკური სტრატეგია!
მეგობრებო,როდემდე უნდა გაგრძელდეს ეს ტრაგედია?! ტრაგედიაა მთელს ქვეყანაში, სიკვდილის სუნი ტრიალებს ქუჩებში, თქვენ კი ამ ფონზე სიბინძურეს მიმართავთ“, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს