,,ლეიბორისტული“ პარტიის საკრებულოს თავმჯდომარეობის კანდიდატი ლაშა ჩხარტიშვილი მწვავე შეფასებას აკეთებს თბილისის მერის კახა კალაძის მისამართით და საუბრობს ქვეყანაში არსებულ მძიმე სოციალურ მდგომარეობაზე, სიდუხჭირეზე:
,,კახი კალაძე არის მკვლელი ადამიანებისა იმიტომ, რომ სოციალურად დაუცველებს ელემენტარულ შემწეობას არ აძლევს. 1.18 ლარად კვებას, რაც სიცოცხლესთან ხშირ შემთხვევაში შეუთავსებელია, მაგრამ ამასთანავე უსახლკაროებთან მიმართებაში, უკანონო ქმედებებითა თუ უმოქმედობით, უამრავი ადამიანის სიცოცხლის მომსპობად გვევლინება იგი.
ჩვენ შეგვიძლია გავიხსენოთ აფრიკის დასახლების სამარცხვინო და ტრაგიკული მოვლენები, როცა უსახლკაროებს დაუნგრიეს ერთადერთი თავშესაფარი.
მილიარდზე მეტი ბიუჯეტის ქალაქში ხელისუფლება ვერ იმეტებს პრაქტიკულად ვერც ერთ თეთრს სოციალური საცხოვრისის მშენებლობისთვის. ჩვენ ვპირდებით, რომ 300-მდე ბინა აშენდება ყოველწლიურად ბიუჯეტის ხარჯზე, სოციალური საცხოვრისის სახით“, – განაცხადა ლაშა ჩხარტიშვილმა.
ავტორი
ნინი ხიჯაკაძე
