სამოქალაქო აქტივისტი, ანტისაოკუპაციო მოძრაობის ლიდერი, დავით ქაცარავა სოციალურ ქსელში სამოქალაქო გმირობისა და ერთგულების ეტალონზე წერს – ღირსეული, საამაყო ქართველის, დათა პაპას მეუღლეზე, ვალია ბებოზე:
“ვიყავით ჩასულები დათა პაპას მეუღლესთან, ვალია ბებოსთან, რომელიც აგრძელებს დათა პაპას ბრძოლას და რუსი ოკუპანტების ჯინაზე არ ტოვებს თავის სახლს…
როგორც აღმოჩნდა, გუშინ მოსულან ორკები, დაახლოებით 7 ცალი.
აი ხომ გახსოვთ, მავთულხლართებიდან რომ ვაწვდით პროდუქტს და სხვადასხვა საჭიროების ნივთებს? ზუსტად ამ მავთულხლართებზე კიდევ ერთი ხვეულა დაამატეს, გაყოლებაზე კი დაახლოებით სამ მეტრამდე გაზარდეს ხლართების სიმაღლე, ჯამში მინ 50მ ახალი ხლართით “გაალამაზეს” იქაურობა.
და ეს ყველაფერი გაკეთდა მხოლოდ იმისთვის, რომ ვალია ბებოს ვეღარ დავეხმაროთ, იმისთვის, რომ ვალია ბებო შეშინდეს და დანებდეს, მიატოვოს სახლი და გადმოვიდეს საქართველოს არაოკუპირებულ ნაწილში…
ეს არის “ერთმორწმუნე სახელმწიფოს” სახე, რომელსაც რატომღაც ჩვენი მოქალაქეების გარკვეული ნაწილი ვერ ხედავს.
სინამდვილეში რუსეთი მორდორია, ბოროტების კერა, რომელიც მთელ მსოფლიოს ებრძვის და წამლავს, ხოლო კრემლისტები, მილისტები და მისი მსახურები, ჭეშმარიტი ორკები არიან.
არც ვალია ბებოს მივატოვებთ გასაჭირში, არც გენადი ბესტაევს და არც ირაკლი ბებუას.
ძალა ერთობაშია ❤️
ბრძოლას ყოველთვის აქვს აზრი“, – წერს ფეისბუქის პირად გვერდზე დავით ქაცარავა.
