ადგილობრივი თვითმმართველობის არჩევნებამდე დარჩა 49 დღე, ოპოზიციის ნაწილი კანდიდატებს ეტაპობრივად ასახელებენ. ,,სტრატეგია აღმაშენებლის“ გენერალური მდივანი პაატა მანჯგალძე აცხადებს, რომ გასათვალისწინებელია ქვეყანაში არსებული ეპიდემიოლოგიური სიტუაცია და შესაბამისად პარტიას კორექტირება შეაქვს გეგმებში:
,,ჩვენ 20 აგვისტოდან დაგეგმილი გვქონდა ფართომასშტაბიანი წარდგენები, ხალხის მონაწილეობით, მაგრამ ქვეყანაში პანდემიასთან დაკავშირებით შექმნილმა ვითარებამ ჩვენი გეგმების კორექტირება მოახდინა.
ჩვენ ვგეგმავდით, რომ ნაკლებად ხალხმრავალი შეხვედრები გაგვეკეთებინა, რეგულაციების დაცვით, თუმცა ყველა შემთხვევაში, როცა პანდემია პიკშია, ამას ვერ გავაკეთებთ.
ვფიქრობთ, რომ სექტემბრის დასაწყისი არის ოპტიმალური ვადა, როცა შეგვიძლია უკვე დავასახელოთ კანდიდატები“, – განაცხადა პაატა მანჯგალაძემ.
ავტორი
ნინი ხიჯაკაძე
