მცირეწლოვანი ბავშვის თანდასწრებით, ტელეკომპანია ,,ფორმულას“ ჟურნალისტ ვახო სანაიასა და მისი ოჯახის წევრებზე თავდასხმისა და ფიზიკური შეურაცხყოფის ფაქტთან დაკავშირებით სასამართლო პროცესი რამდენიმე თვეა მიმდინარეობს. დღეს გამართული სხდომის შემდეგ კომენტარი გააკეთა ვახო სანაიამ:
,,წარმოუდგენელია, მოსამართლემ არ იცოდეს რა გადაწყვეტილება უნდა მიიღოს! ამდენი პროცესი გაიმართა, ყველაფერი დევს ხელის გულზე. ასე, რომ ველოდებით გამამტყუნებელ განაჩენს. სხვა განაჩენი აქ არ შეიძლება იყოს!
ხელისუფლებისგან ვერაფერს გამოვრიცხავ. ხელისუფლება მოსაკლავად დასდევდა ჟურნალისტებს და ახლა რა უნდა გამოვრიცხო საერთოდ?! – მაგრამ სადღაც რამე თუ არსებობს ამ ქვეყანაში, ოდნავ მაინც, მოსამართლემ წარმოუდგენელია სხვა გადაწყვეტილება მიიღოს.
ხალხო, ხელის გულზე დევს ყველაფერი, ყველანაირი მტკიცებულება არსებობს!“ – განაცხადა ვახო სანაიამ.
ინფორმაციისთვის: აღნიშნულ საქმესთან დაკავშირებით მოსამართლე გადაწყვეტილებას 25 აგვისტოს გამოაცხადებს.
ავტორი
ნინი ხიჯაკაძე
