,,სტრატეგია აღმაშენებლის“ პოლიტიკური საბჭოს წევრმა, სოციალური მიმართულების ხელმძღვანელმა, თეონა ჭალიძემ ტვ “პირველის” ეთერი ქვეყანაში არსებული მძიმე სიტუაციის შესახებ ისაუბრა და აღნიშნავს, რომ ,,რაც გვაქვს დღეს და რაც გაგაჩნიათ, ხალხო, ხვალ და ზეგ ამის დაკარგვის საფრთხის წინაშე დგახართ, ხვალ და ზეგ შეიძლება ისიც ვეღარ შეძლოთ, რასაც დღეს ახერხებთ“:
,,რაც გვაქვს დღეს და რაც გაგაჩნიათ, ხალხო, ხვალ და ზეგ ამის დაკარგვის საფრთხის წინაშე დგახართ, ხვალ და ზეგ შეიძლება ისიც ვეღარ შეძლოთ, რასაც დღეს ახერხებთ. მთავრობა იღებს ვალებს ჩვენს დაუკითხავად და მერე ჩვენს დაუკითხავად განკარგავს ამ ვალებს. შემდეგ ჩვენ, ჩვენ შვილებს და შვილიშვილებს მოუწევთ ამ ვალების გადახდა მუდმივად.
გამოსავალი არის ერთი და მარტივი, აუცილებლად ქვეყანაში უნდა შეიცვალოს სიტუაცია, ხელისუფლებაში უნდა იყვნენ ადამიანები, რომლებსაც შესწევთ ძალა და უნარი იმისა, რომ ნორმალური საინვესტიციო გარემო შექმნან. ინვესტიციები მოიზიდონ კი არა, პრემიერ-მინისტრს იმის უნარი არ შესწევს, რომ ფორმალურად თავის მოსახლეობაში პროპაგანდა გასწიოს იმისა, რომ ვაქცინაცია გადაგვარჩენს და აცრები აუცილებელია.
მე ეჭვი მაქვს და მრჩება შთაბეჭდილება იმისა, რომ აწყობთ კიდევაც ჩვენს გარეშე და შიდა მტრებსაც ის, რომ ვაქცინაციის პროცესი ამ თვეების განმავლობაში იყო ჩავარდნილი. იმიტომ, რომ რაც მეტი ადამიანი გარდაიცვლება, რაც მეტი ადამიანი არ აიცრება – ეს გამოიწვევს უფრო მეტად ეკონომიკის ჩამოშლას, უმუშევრობას, მეტ სიღარიბეს და ა.შ.
ყველა, ვინც ფიქრობთ, რომ არ უნდა მოხვიდეთ არჩევნებზე გაითვალისწინეთ, რომ თქვენი ხმა არის გადამწყვეტი და ამიტომ მოდით აუცილებლად არჩევნებზე“, – განაცხადა თეონა ჭალიძემ.
ავტორი
ნინი ხიჯაკაძე
