“აბსოლუტურად სწორი და დროული ინიციატივა არის იმისთვის, რომ გაიზარდოს მოტივაცია ჩვენთან დასაქმებული ადამიანების” – ნათია თურნავა ხელფასების ზრდაზე

საკოოორდინაციო საბჭოს სხდომაზე პრემიერ-მინისტრმა ირაკლი ღარიბაშილმა მიიღო გადაწყვეტილება, რომ საჯარო სექტორში დასაქმებული პირებისთვის მომხდარიყო ხელფასის ზრდა. აღნიშნულ საკითხზე შეფასება გააკეთა ეკონომიკისა და მდგრადი განვითარების მინისტრმა ნათია თურნავამ და აღნიშნა, რომ ეს იქნება მოტივაცია, რადგან გახშირდა კადრების დენადობა:

,,ახლა მიმდინარეობს მომავალი წლის ბიუჯეტის მზადების პროცესი – ძირითადი პარამეტრების. ძალიან სწორი გადაწყვეტილებაა, ვიზრუნოთ იმაზე, რომ მოტივაცია საჯარო სექტორში დასაქმებული ადამიანების იყოს უფრო მაღალი. იმიტომ, რომ ძალიან მნიშვნელოვანია ჩვენ მაღალი რანგის პროფესიონალები შევინარჩუნოთ სისტემაში.

სამწუხაროდ, იმის გამო, რომ წლების მანძილზე ჩვენ ვერ მოვახერხეთ და ხელფასები ვერ გავზარდეთ, შეინიშნება ამა თუ იმ უწყებაში კადრების დენადობა. მაგალითად, ჩვენთანაც.

აქედან გამომდინარე, აბსოლუტურად სწორი და დროული ინიციატივაა იმისთვის, რომ ჩვენთან დასაქმებული ადამიანების მოტივაცია გაიზარდოს“, – განაცხადა ნათია თურნავამ.

ავტორი
ნინი ხიჯაკაძე