„ქართული ოცნების“ თავმჯდომარე ირაკლი კობახიძე აცხადებს, რომ თვითმმართველობის არჩევნების შედეგებზე არ იქნება დამოკიდებული დაინიშნება თუ არა რიგგარეშე ვადამდელი არჩევნები: ,,რომც ავიღოთ 3% ,,ლელოსავით“ მაინც არ დაინიშნება რიგგარეშე საპარლამენტო არჩევნები. 93% რომ ავიღოთ, მაინც არ დაინიშნება!“ – აცხადებს იგი:
,,ადგილობრივი თვითმმართველობის არჩევნების შედეგზე არავითარი ფორმით არ იქნება დამოკიდებული რიგგარეშე არჩევნების დანიშვნის საკითხის გადაწყვეტა – არავითარი ფორმით!
ანუ ადგილობრივი თვითმმართველობის არჩევნების შედეგებს არ ექნება არავითარი მნიშვნელობა, რომც ავიღოთ 3% ,,ლელოსავით“, მაინც არ დაინიშნება რიგგარეშე საპარლამენტო არჩევნები, 93% რომ ავიღოთ, მაინც არ დაინიშნება!
შეგახსენებთ ჩვენ განცხადებას: ჩვენ ვთქვით, რომ ნებისმიერ დროს თუ დავინახავთ ვითარება არის მომწიფებული იმისათვის, რომ ჯანსაღი კოალიციური მმართველობა შედგეს საქართველოში, ამ შემთხვევაში ყველაფრისგან დამოუკიდებლად მივიღებთ, ჩვენი კეთილი ნებით ამ გადაწყვეტილებას.
მაგრამ თვითმმართველობის არჩევნების შედეგზე ეს ვერ იქნება მიღებული!“, – განაცხადა ირაკლი კობახიძემ.
შეგახსენებთ, რომ მმართველმა პარტიამ, რამდენიმე დღის წინ, მიიღო გადაწყვეტილება გასულიყო შარლ მიშელი დოკუმენტის შეთანხმებიდან. როგორც მმართველი გუნდის წარმომადგენლები აღნიშნავენ, პასუხისმგელობას არ გაურბიან და განსახილველი საკითხების შეჯერება მოხდება საქართველოს კონსტიტუციიდან გამომდინარე და არა შარლ მიშელის დოკუმენტის მიხედვით.
ავტორი
ნინი ხიჯაკაძე
