საერთო სამაგისტრო გამოცდა 27-30 ივლისს ტარდება

12

შეფასებისა და გამოცდების ეროვნული ცენტრის ინფორმაციით, საერთო სამაგისტრო გამოცდა 27-30 ივლისს ტარდება.

საერთო სამაგისტრო გამოცდის ჩაბარების სურვილი წელს 12 800-ზე მეტმა პირმა გამოთქვა, ისინი გამოცდებს საქართველოს მასშტაბით გახსნილ 25 საგამოცდო ცენტში ორი დღის განმავლობაში ჩააბარებენ. პირველ დღეს ჩატარდება გამოცდები წაკითხულის გააზრებასა და ანალიტიკური წერის ნაწილებში, მომდევნო დღეს კი ლოგიკური მსჯელობისა და რაოდენობრივი მსჯელობის ნაწილებში.

27 ივლისს 82%-მდე მაგისტრანტობის მსურველი გამოცხადდა. ამ დროის მონაცემებით არ ყოფილა დაგვიანების არც ერთი შემთხვევა.

კოვიდ-19-ის დიაგნოზის გამო დღევანდელ სესიებზე არ გამოცხადდა 40-ზე მეტი გამოსაცდელი. მათთვის გამოცდა მოგვიანებით დაინიშნება.

სააგენტო “პარალელი” წარმატებებს გისურვებთ!

კომენტარები